ဘုံကိုးဆင့်ကို ကျော်လွန်၍
အကျဥ်းချုပ်
အတိ ဒုက္ခ ကိုးပါး ဓား၏ န၀မ သခင် ချူးယန်သည် သိုင်းပညာ တိုးတက်ရေးအတွက် သူ့ဘ၀၏ ချစ်ခြင်းမေတ္တာ အပါအ၀င် အရာအားလုံးနီးပါးကို စတေးခဲ့သည်။ အတိဒုက္ခ ကိုးပါး ဓား၏ ပဉ္စမမြောက် အပိုင်းအစ၏ တည်နေရာကို ရှာနိုင်ရန် အချိန် သုံးနှစ် အသုံးပြုပြီးနောက် ထိုနေရာ၌ သူသည် ဘက်ပေါင်းစုံမှ ချုံခိုတိုက်ခိုက်မှုကို ကြုံခဲ့ရသည်။ သေလုနီးပါး ဒဏ်ရာရခဲ့ပြီး လွတ်လမ်းမရှိချိန်တွင် ချူးယန်က သူ၏ နှလုံးကို အတိဒုက္ခ ကိုးပါး ဓားဖြင့် ထိုးစိုက်ပြီး စတေးခဲ့သည်။
“ငါ့နှလုံးသွေးနဲ့ ဘေးဒုက္ခ သောင်းချီ ပြိုလဲလိမ့်မယ်”
သူ့ကို ချုံခို တိုက်ခိုက်သူများ သေဆုံးသွားတာ မြင်ပြီးနောက် ချူးယန်၏ အမြင်အာရုံက စတင် မည်းမှောင်လာတော့သည်။ သူ မသေခင်တွင် သူ ကျရှုံးအောင် ကြိုးကိုင်ခဲ့သူက မော့ထျန်းကျီ ဖြစ်ကြောင်း တွေ့လိုက်ရသည်။ နောက်ဆုံးတွင် သူ့မျက်လုံးများ မှိတ်ကျသွားတော့သည်။
သို့သော်ငြား စတင်မှုတစ်ခုဖြင့် ချူးယန်သည် သူ ပြန်လည် နိုးထလာချိန်တွင် အသက် ၁၆ နှစ်အရွယ်သို့ ပြန်ရောက်နေကြောင်း ရှာတွေ့လိုက်ရသည်။
ထို့အပြင် အတိဒုက္ခ ကိုးပါး ဓား၏ ဓားဝိညာဉ်က သူ့ခန္ဓာ၏ စွမ်းအင်ဗဟိုဖြစ်သည့် စွမ်းအား ဗဟိုချက်ထဲတွင် ရှိနေကြောင်း တွေ့လိုက်ရသည်။
ထိုအချိန်မှ စပြီး ချူးယန်သည် သူ၏ ယခင်နောင်တများအားလုံးကို စတင်တည့်မတ်ပြီး အတိဒုက္ခ ကိုးပါး ဓား၏ နောက်ဆုံးသော သခင်အနေဖြင့် သူ့ကံကြမ္မာကို ဖြည့်ဆည်းလျက် ကိုယ်ပိုင် ဒဏ္ဍာရီကို ထွင်းထုပြီး ဘုံကိုးပါးအလွန်ရှိ ကောင်းကင် နတ်ဆိုးများကို အနိုင်ယူတော့သည်။
