ကောင်းကင်မီးတောက် လမ်းကြောင်းသည် ၂၀၄၈ မီတာခန့် ရှည်သော လမ်းတစ်လမ်း ဖြစ်သည်။ ထိုလမ်းပေါ်တွင် ဆိုင် ၁၆၈ ဆိုင် ရှိသည်။
ဆိုင်ပိုင်ရှင်တစ်ယောက်ချင်းစီတိုင်းဟာ အလွန်အမင်း အင်အားကြီးမားသော ကျွမ်းကျင်သူများဖြစ်သည်။ ထိုလမ်းပေါ်တွင် မည်သည့်ယာဉ်၊ စက်ရုပ်ကိုမျှ ဖြတ်သန်းခွင့် မပြုထားသလို မာရှ်များ၏ အရေအတွက်ကပင် နည်းသည်။
(မာရှ် : လူကိုယ်တိုင် ဝင်ရောက်ကာ ထိန်းချုပ်မောင်းနှင်နိုင်ပြီး တိုက်ခိုက်နိုင်သော အရာ)
ကင်းလှည့်ရဲများကပင် ထိုလမ်းထဲသို့ ဝင်ရောက်လျှင် ယာဉ်များ၊ မာရှ်များ၊ စက်ရုပ်များပေါ်မှ ဆင်းသက်ရန် လိုအပ်သည်။
အကြောင်းမူကား ထိုလမ်းသည် နည်းပညာ မြင့်မားလွန်းသော လောကအတွင်းမှ အထက်တန်းလွှာများသီးသန့်အတွက် ပုန်းကွယ်လျက် တည်ရှိနေသော အထူး သီးသန့် လမ်းကျဉ်းတစ်ခုလည်း ဖြစ်နေလေသည်။
ကုတ်နာမည် “ဇု” အမည်ရသော အင်အား အကြီးမားဆုံး ကြေးစား စစ်သားများထဲမှ တစ်ယောက်ဖြစ်သည့် လန်ကြွယ်က ဇနီးဖြစ်သူ သေဆုံးပြီးနောက်တွင် ကောင်းကင်မီးတောက် လမ်းကြောင်းတွေနှင့် သူ့ကိုယ်သူ ပိတ်လှောင်လျက် နေထိုင်ခဲ့သည်။
သူ ၏ ‘ ဇု ၏ ရတနာဆိုင် ’ ဆိုသော ဆိုင်က ကောင်းကင် မီးတောက်လမ်းကြောင်းတွေ တည်ရှိသလို သူ ကိုယ်တိုင်ကလည်း ရတနာဆရာသခင် ဆိုသော နာမည်ကိုပင် ရရှိခဲ့လေသည်။
***
