Switch Mode

Chapter – 312

ပိုင်အာ၏ချီဓာတ်

Chapter – 312
“ပိုင်အာ၏ချီဓာတ်”

ခံစားနေရသော ဖိအားများ အနည်းငယ် လျော့ကျသွားသည်​ကို ရဲ​ရှောင်​ခံစားလိုက်ရသည်။
(အလုပ်ဖြစ်တယ်ထင်တယ်၊ ဘယ်လိုပဲဖြစ်ဖြစ် ဒီလို ဖြစ်သွားတာ တကယ်ကောင်းတာပဲ . . .)
ထို့ကြောင့် ရဲရှောင်သည် ပိုမို အားစိုက်၍ သူ၏ ရှေးဦးခရမ်းရောင် ချီဓာတ်များအား လည်ပတ်စီးဆင်းစေလိုက်​ကာ ရေခဲချီဓာတ်များကို ထိန်းချုပ်လိုက်​သည်​။
ပိုင်အာသည်​အေးစက်​မှု​ဝေဒနာအား အံကြိတ်၍ တင်းခံလျက်​ရှိပြီး စက္ကန့်ပိုင်းအတွင်းမှာပင် သူမ၏ ခန္ဓာကိုယ်​တစ်ခုလုံး အေးခဲသွားသည်။ ရဲရှောင်ထက်ပင် ပိုမိုဆိုးရွားသော အခြေအနေသို့​ရောက်​ရှိသွားကာ ခိုက်​ခိုက်​တုန်​အောင် ချမ်းေ​နလျက်​ရှိသည်​။ အသက်ရှူထုတ်လိုက်သည့် လေများပင် အေးစက်နေခြင်း ဖြစ်​သည်​။
(ငါသေတော့မယ် . . . အေးလို့ သေရတော့မယ် . . .)
(ငါက အခုမှ နေကောင်းစ ရှိသေးတယ်။ အပြင်ကိုတောင် လမ်းထွက်မလျှောက်နိုင်သေးဘူး။ အခုတော့ သေရတော့မယ်။ တော်တော် ကံဆိုးတာပါလား။ အစ်ကိုကြီးနဲ့တောင်​နေလို့ မဝ​သေးဘူး)
ပိုင်အာ သတိရတစ်ချက် မရတစ်ချက် ဖြစ်နေရင်း တွေးနေမိသည်။
ထိုအချိန်​တွင်​မ​မျှော်​လင့်​ထား​သော အဖြစ်​အပျက်​တစ်​ခု ဖြစ်​သွားခဲ့သည်​။
ပိုင်အာ၏ ကိုယ်အတွင်း ဝင်​ရောက်​ခဲ့သည့် ရေခဲချီဓာတ်များသည် အပြင်သို့ ရုတ်​တရက်​ပြန်​ထွက်သွားလေသည်​။ အလွန်​လျင်မြန်သော နှုန်းဖြင့် အရပ်မျက်နှာ အသီးသီးသို့ ထွက်သွားခြင်း ဖြစ်သည်။ ထို့ကြောင့် သေလုမတတ် အေးစက်နေသော အဖြစ်မှလည်း လွတ်မြောက်သွားသည်​။
ရေခဲချီဓာတ်များသည် မြင်းအကောင်ရေပေါင်း ထောင်နှင့်ချီ၍ ပြေးလွှားထွက်သွားသည့်​အလား တဟုန်ထိုး ထွက်သွားခြင်းပင်​ဖြစ်​သည်​။
“ထူးဆန်းလိုက်တာ . . . ဘယ်လိုဖြစ်တာပါလိမ့်။ ဘာလို့ မအေးတော့တာလဲ မသိဘူး . . .”
ပိုင်အာသည်​ရဲရှောင်အား တင်းကျပ်စွာ ဖက်ထားရင်း ရေရွတ်လိုက်သည်။ မည်သည့်​အရာများ ဖြစ်​ပျက်​နေသည်​ကိုလည်း နားမလည်နိုင်အောင်ပင်​ဖြစ်နေမိသည်​။​ရေခဲချီဓာတ်​များ ထွက်​သွား​သော​ကြောင့်​သူ၏ ခန္ဓာကိုယ်တစ်​ခုလုံး နွေးလာသကဲ့သို့ ရဲရှောင်၏ ခန္ဓာကိုယ်သည်လည်း နွေးလာသည်ကို ခံစားလိုက်ရသည်​။ ထို့အတွက်​ကြောင့်​ပိုင်​အာ၏ စိတ်ထဲတွင် အလွန်​ပျော်ရွှင်သွား​မိသည်။
ရဲရှောင်လည်း အကြပ်​အတည်းမှ တဖြည်းဖြည်း လွတ်မြောက်တော့မည်​ကို ခံစားနေရသည့်အတွက်​ရှေးဦး ခရမ်းရောင် ချီဓာတ်များအား အာရုံစိုက်၍ စီးဆင်းစေလိုက်သည်​။ ထိုအခါ ဟင်းလင်းပြင်ကြီး အတွင်းရှိ ရေခဲချီဓာတ်များ လျင်မြန်စွာ ကျဆင်းလာကာ ခရမ်းရောင်ချီဓာတ်များသာ နေရာယူလာကြသည်။
ထိုအခြေအနေသို့ ရောက်သွားသည့်အခါမှသာ ရဲရှောင်လည်း စိတ်သက်သာရာ ရသွားမိလေသည်။​နောက်​ဆုံးတွင်​မူ သေဘေးမှ လွတ်မြောက်နိုင်ခဲ့ပြီ ဖြစ်​သည်​။
မုန်တိုင်းပြီးလျှင် လေပြည်လာစမြဲ ဆိုသည့်အတိုင်း သူ၏ခန္ဓာကိုယ်သည် အလွန်​အန္တရာယ်များသော အခြေအနေသို့​ရောက်​ရှိခဲ့သည့်တိုင် အခွင့်အရေးတစ်ခုအား ရရှိလိုက်သည်​။ ထိုအခွင့်အရေးမှာ ရေခဲချီဓာတ်များအား သူ၏ ကိုယ်ပိုင်စွမ်းအင်များအဖြစ် သန့်စင်စေနိုင်လိုက်ခြင်း​ပင် ဖြစ်သည်။
ထိုအခွင့်အရေးအား အမိအရ ဖမ်းဆုပ်နိုင်စေရန်အတွက် ရဲရှောင်သည် စွမ်းအင်သန့်စင်ခြင်းအား စိတ်နှစ်၍ လုပ်ဆောင်နေခဲ့သည်​။
ထိုအခါ သူ၏ စိတ်ဝိညာဉ်ပင် ခန္ဓာကိုယ်အပြင်ဘက်သို့ ထွက်​ခွာသွားသည့်​အလား ခံစားလိုက်​ရသည်​။ အရာအားလုံးသည်​လည်း မပီပြင်​ဝိုးတဝါးပင်​ဖြစ်​နေခဲ့သည်​။
သူ၏ ရှေးဦးခရမ်းရောင်ချီဓာတ်များ ပိုင်အာ၏ သွေးကြောများအတွင်း ဝင်ရောက်၍ လည်ပတ် စီးဆင်းနေသည်ကိုလည်း ရဲရှောင် သတိမထားမိ​ချေ။
ရေခဲချီဓာတ်များအား သန့်စင်စီးဆင်းစေလိုက်သောအခါ ခရမ်းရောင်ချီဓာတ်များ ဖြစ်သွားကာ ရှေးဦးခရမ်းရောင်ချီဓာတ်စွမ်းအင်အဖြစ် ပြောင်းလဲသွားကြသည်​။
ထိုကဲ့သို့ စဉ်ဆက်မပြတ် လည်ပတ်စီးဆင်းနေသဖြင့် ပိုင်အာ၏ ခန္ဓာကိုယ်တွင်းမှ ချီဓာတ်များသည်လည်း မြူခိုးများကဲ့သို့ပင် ဖြစ်​သွား​လေသည်​။
စွမ်းအင်​သန့်​စင်​ခြင်းအား စိတ်​နှစ်​၍ လုပ်​ဆောင်​နေသဖြင့်​ရဲရှောင်သည်​သတိမေ့​မြော​နေသည့် လူတစ်​ဦးကဲ့သို့ ဖြစ်​နေသည့်​တိုင်​အပူအအေး ပြောင်းလဲမှုများကိုမူ ခံစား​နိုင်စွမ်း​ရှိ​နေပါ​သေးသည်။​ထိုအချိန်တွင်​ရုတ်တရက် ပြန်လည်၍ အေးစက်လာသည်ကို ရဲ​ရှောင်​ခံစားမိလိုက်သည်။ အဘယ့်​ကြောင့်​ဆို​သော်​ရေခဲချီဓာတ် အကြွင်းအကျန်များ၏ တန်ပြန်ရိုက်ခတ်မှုများ​ကြောင့်​ပင်​ဖြစ်​သည်​။ ထို့ကြောင့် ရဲရှောင်ဘက်မှ​ပို၍ အားစိုက်​ကာ ကြိုးစားရပြန်​သည်​။
ပိုင်​အာသည်​အစပိုင်းတွင်​နာကျင်​မှု​ဝေဒနာများအား​တောင့်​ခံနိုင်​ခဲ့ပြီး အချိန်​ကြာလာသည်​နှင့်​အမျှ ဟန်​ပင်​မ​ဆောင်​နိုင်​တော့ဘဲ အိပ်​ချင်​လာသလိုပင်​ဖြစ်​လာခဲ့သည်​။ ထို့​နောက်​ရဲ​ရှောင်​၏ ရင်​ခွင်​ထဲတွင်​ဘာဆိုဘာမှ မသိ​တော့ဘဲ နှစ်​နှစ်​ခြိုက်​ခြိုက်​အိပ်​မောကျသွား​ပါ​တော့သည်​။
ထို့အတွက်​ကြောင့်​သူမ၏ ခန္ဓာကိုယ်အတွင်း ထူးခြားသော ပြောင်းလဲမှုများ ဖြစ်ပေါ်နေသည်ကို မသိလိုက်ေ​ချ။
ထို့ပြင် ယခုအချိန်တွင် ပိုင်​အာသည်​ကလေးမလေးတစ်ဦး၏ အသိဉာဏ်သာ ရှိနေသေးသည်​။
ထိုပြောင်းလဲမှုများ၏ နောက်ကွယ်တွင်​အန္တရာယ်ရှိသော အခြေအနေများ ရှိ​နေသည်​ကို မသိချေ။ အ​စောပိုင်းတွင်​အေးစက်​မှု​ဝေဒနာအား လွန်​လွန်​ကဲကဲ ခံစားခဲ့ရ​သော်​လည်း​နောက်​ပိုင်းတွင်​မူ သက်တောင့်သက်သာဖြစ်လာခဲ့ပြီး နေလို့ ကောင်းလာသဖြင့် စိုးရိမ်မှုမရှိခဲ့ပေ။ ထို့ပြင် ရဲရှောင်၏ ခန္ဓာကိုယ်သည်လည်း အေးစက်နေရာမှ နွေးထွေးလာသဖြင့် ပိုင်​အာတစ်​ယောက်​စိတ်သက်သာရာ ရသွားခဲ့သည်​။ ထို့ကြောင့်ပင် စိတ်ဒုန်းဒုန်းချ၍ အိပ်မောကျသွားခြင်း ဖြစ်​သည်။ ထိုသို့ အိပ်မောကျ​နေစဉ် အတောအတွင်း သူ၏ ခန္ဓာကိုယ်ထဲ၌ ပြောင်းလဲမှုများစွာ ဖြစ်ပေါ်သွား​လေသည်​။
သို့​သော်​နှစ်​နှစ်​ခြိုက်​ခြိုက်​ပင်​အိပ်​ပျော်​သွားသည့်​ပိုင်​အာသည်​ထိုပြောင်းလဲမှုများအား မရိပ်စားမိလိုက်ေ​ချ။ ရဲရှောင်သည်​လည်း ကျင့်ကြံမှုအပေါ်တွင်သာ စိတ်နှစ်၍ စွမ်းအင်များအား သန့်စင် ပြောင်းလဲနေရ​သဖြင့်​သတိမထားမိလိုက်​ပေ။
ယခုဖြစ်ပေါ်ရသည့် အကြောင်းရင်းမှာ မရဏကျောက်တုံး၏ ပြင်းထန်သော ပေါက်ကွဲမှုကြောင့်ပင်​ဖြစ်သည်​။ ထို​ပေါက်​ကွဲမှုအား အချိန်မီ မထိန်းချုပ်နိုင်ပါက သူ၏ ဟင်းလင်းပြင် ကိုးခုလုံး ပျက်ဆီးသွားပေလိမ့်မည်။ အခြေအနေများ ပို၍ဆိုးလာပါက ဟင်းလင်းပြင်အတွင်း ပစ်ထည့်ခဲ့သော ပစ္စည်းများအားလုံး ရေစုန်မျောရမည့်​အ​ခြေအ​နေသို့​ရောက်​ရှိသွားနိုင်​လေသည်​။
ထိုကဲ့သို့ ဆိုပါက သူ၏ ကျင့်ကြံမှုများ အဆင့်မြင့်တက်ရန်အတွက် များစွာ နှောင့်နှေး ကြန့်ကြာ သွားမည်​ဖြစ်​သည်​။
ဟင်းလင်းပြင်ကြီး တစ်ခုလုံးသည် ရေခဲချီဓာတ်များ၏ လွှမ်းမိုးခြင်းအား ခံခဲ့ရသည်​။ သို့​သော်​ဥမှာမူ အချပ်ပြားပေါ်တွင် မလှုပ်မယှက် ရှိနေဆဲပင်​ဖြစ်သည်​။ ပတ်ပတ်လည်တွင် ဖြစ်ပျက်နေသော အဖြစ်အပျက်များ အားလုံးသည်​သူနှင့် လားလားမှ မသက်​ဆိုင်​သည့်​အလား ဥသည် အေးအေးဆေးဆေးဖြင့်​ပင် ရှိနေလေသည်​။ မည်မျှအထိ ပြင်းထန်သည့် ရေခဲချီဓာတ်များပင် ဖြစ်လင့်ကစား ဥကိုမူ သက်ရောက်မှု မဖြစ်စေ​ချေ။
ရေခဲချီဓာတ်များသည်​ပေါက်ကွဲနေတုန်းပင်ဖြစ်ပြီး ဥမှလွဲ၍ ကျန်သောအရာများအားလုံး ပျက်ဆီးလုနီးပါးပင်​ဖြစ်နေရသည်။
ရဲရှောင်သည် အဆိုပါ ရေခဲချီဓာတ်ဘေးမှ ကင်းဝေးစေရန်သာ အာရုံစိုက်လျက်ရှိသည်​။ သူ၏ ရှေးဦးခရမ်းရောင်ချီဓာတ် ဒုတိယအဆင့်သို့ တက်လှမ်းခဲ့စဉ် သူ၏ ကျင့်ကြံမှုများသည်​လည်း အလွန်တိုးတက်လာခဲ့သည်ဟု ထင်မြင်မိ​ခဲ့သည်​။ သို့သော် လုံလောက်သော တိုးတက်မှု​တော့ မဟုတ်ခဲ့​ချေ။
ဒုတိယအဆင့် ရှေးဦးခရမ်းရောင်ချီဓာတ်၏ အစွမ်းသည်​ယခုထက် ပို၍ အစွမ်းထက်သင့်ပေသည်။
သို့သော် ဒုတိယအဆင့်သို့ ရောက်ခါစပင် ရှိသေးသည် ဆိုသည့် အချက်အား ရဲရှောင် ထည့်မတွက်မိခဲ့​ချေ။ ထို့ကြောင့် လုံလောက်သော စွမ်းအင်​မျိုး မရှိသေးခြင်းပင်​ဖြစ်သည်​။ ကျင့်ကြံမှုများအား အချိန်​အတိုင်းအတာ တစ်​ခုအထိ အားစိုက်၍ လုပ်ဆောင်မှသာ ဒုတိယအဆင့် ရှေးဦးခရမ်းရောင် ချီဓာတ်၏ စွမ်းအင် အစစ်အမှန်အား အပြည့်အဝ အသုံးချနိုင်မည်​ဖြစ်​သည်​။
ရဲရှောင်သည် ဟင်းလင်းပြင် ကိုးခု၏ အကူအညီဖြင့် ရေခဲချီဓာတ်များအား ထိန်းချုပ်ရန် ကြိုးစားလျက် ရှိသည်​။
မတူညီသော စွမ်းအင်များသည် သူ၏ ခန္ဓာကိုယ်အတွင်း​သို့ အလိုအ​လျောက်​စီးဆင်းနေပြီး ရေခဲချီဓာတ်များ၏ ရန်မှ ခုခံကာကွယ်ပေးလျက် ရှိသည်။
ပြသာနာများ၏ အဓိက တရားခံဖြစ်​သည့်​မရဏကျောက်တုံးအား ကောင်းစွာ ထိန်းချုပ်နိုင်မှသာလျှင် အဆုံးသတ်သွားမည် ဖြစ်သည်။
ဟင်းလင်းပြင်ကိုးခုသည် ရဲရှောင်အား အလွန်ပင်​အထောက်အကူ ပြုလှသည်​။
ယခုကဲ့သို့ ကျဉ်းထဲကြပ်ထဲ ရောက်နေသည့် အခြေအနေမျိုးတွင်ပင် ရဲ​ရှောင်​သည်​ဟင်းလင်းပြင် ကိုးခု၏ စွမ်းအင်များအား ကောင်းစွာ ထိန်းချုပ်နိုင်ပေသေးသည်။ တစ်​နည်းအားဖြင့် သူ၏ ဟင်းလင်းပြင်ကြီးတွင် သူသာလျှင် ရှင်ဘုရင် ဖြစ်သည်​။ ထိုအချိန်တွင်​ရဲရှောင်သည် အရာအားလုံးအ​ပေါ် ထိန်းချုပ်နိုင်သည့်​ရှင်​ဘုရင်​တစ်​ဦးကဲ့သို့ပင်​ကိုယ့်​ကိုကိုယ်​ခံစားနေရသည်​။
ရှေးဦးခရမ်းရောင်ချီဓာတ်များနှင့်အတူ ဝိညာဉ်တော် ချီဓာတ်များသည်​လည်း ရဲ​ရှောင်​၏ ခန္ဓာကိုယ်တွင်း စီးဆင်းလျက် ရှိနေသည်။
ထိုစီးဆင်းမှုသည် ပိုင်အာ၏ ကိုယ်တွင်းသို့လည်း ဝင်ရောက်လည်ပတ် စီးဆင်းနေကြသည်​။ ပိုင်အာနှင့် ရဲရှောင်တို့နှစ်​ဦးသည်​ပေါင်းကူးတံတားကဲ့သို့ပင်​တစ်​ဦးနှင့်​တစ်​ဦး ဆက်သွယ်ထားမိ နေကြသည်​။​ပိုင်​အာ၏ ခန္ဓာကိုယ်ထဲသို့ ရေခဲချီဓာတ်များသာမက ရှေးဦးခရမ်းရောင် ချီဓာတ်များသည်လည်း ဝင်နေလျက်​ရှိသည်​။
ထိုဖြစ်​စဉ်​သည်​ထူးခြားသော ဖြစ်စဉ်တစ်မျိုးပင်ဖြစ်သည်​။ ရဲရှောင် လည်ပတ်စီးဆင်း​စေလိုက်​သ​မျှ စွမ်းအင်တိုင်းလိုလိုသည်​ပိုင်​အာ၏ ကိုယ်ထဲသို့ ဝင်ရောက်ရှိ​နေခြင်းပင်​ဖြစ်​သည်​။ စွမ်းအင်​များသည်​ပိုင်အာ၏ သွေးကြောများအတွင်း လည်ပတ်စီးဆင်းသွားကာ ရဲရှောင်၏ စွမ်းအင်သိုလှောင်ရာသို့ ပြန်ဝင်သွားကြသည်။ ထိုမှတဖန် ရဲရှောင်ထံမှ ပိုင်အာ​ထံသို့ ပြန်၍ စီးဆင်းသွားကြပြန်​သည်။ ထိုကဲ့သို့ဖြင့်​ထပ်တလဲလဲ စီးဆင်းမှု ဖြစ်ပေါ်နေခြင်းပင်​ဖြစ်သည်။
စွမ်းအင်​များ စီးဆင်းမှုသည်​အဆုံးမရှိ​တော့မည့်​အလားပင်​ဖြစ်​ပေါ်​နေ​သည်​။ ထိုအချိန်မှာပင် ပိုင်အာ၏ သွေးကြောများအတွင်း ရေခဲချီဓာတ်တစ်မျိုး ထပ်​မံ၍ ပေါ်လာလေသည်။
အကယ်၍ ထိုအချိန်တွင် ရဲ​ရှောင်​သာ သတိကောင်းစွာ ရှိနေမည် ဆိုပါက ထို​ရေခဲချီဓာတ်အား သတိပြုမိပေလိမ့်မည်။ အဘယ့်​ကြောင့်​ဆို​သော်​ထိုချီဓာတ်သည် ပိုင်ရှင်းယွဲ့နှင့် ဝမ်ရမ်ချူးချူးတို့ထံတွင် တွေ့ရသော ချီဓာတ်မျိုး ဖြစ်နေသောကြောင့်ပင် ဖြစ်ပါတော့သည်​။

Comment

Leave a Reply

Options

not work with dark mode
Reset