စာကြည့်တိုက် တာအိုသခင်
အပိုင်း ၂၄၃ ဆောင်းဦးလေက ရွက်ကြွေများကို လှဲကျင်းသွား။
” ထပ်ရှိသေးတယ်။ အံ့ဖွယ်ချီရှန်းတစ်ယောက် ရောက်မလာဘူး ”
” သူလား။ သူရှိတာ မရှိတာ ဘာမှမကွာခြားသွားတာ။ ပြောရရင် သူက ဝိညာဥ်ရေးရာ ကြယ်တာရာသားရဲတစ်ကောင်ပဲလေ။ သူ့ရဲ့ ခွန်အားက ကောင်းကင်နတ်ဆိုး ချောက်ကမ်းပါးတစ်ခုလုံးရဲ့ အောက်ခြေမှာ ရှိနေတာ ”
” အခု ဒီနေရာကို ရောက်လာတာတဲ့ အံ့ဖွယ်ချီရှန်းတွေက ငါတို့ ကောင်းကင်နတ်ဆိုး ချောက်ကမ်းပါးရဲ့ စစ်မှန်တဲ့ အုတ်မြစ်ပဲ ”
” သူတို့ ဒီမှာ ရှိနေရင် ကောင်းကင်နတ်ဆိုး ချောက်ကမ်းပါးရဲ့ သိုင်းပညာရှင်တွေအားလုံး အင်အားအပြည့်နဲ့ ထွက်လာတာနဲ့ တူတူပဲ ”
” ဒါအမှန်ပဲ။ ပြောရရင် သူတို့ထဲက ဘယ်သူမဆို ဒီလူသားအတွက် လုံလောက်နေပြီးသား။ စုစုပေါင်း အယောက် ၂၀ ရှိနေတယ်ဆိုတော့ ပြောမနေနဲ့တော့ ”
ယခုအချိန်တွင် အားလုံး၏ စိတ်ထဲ၌ ယဲ့ရှောင်သည် သေနေပြီပဲ ဖြစ်သည်။ သူက အသက်ရှူနေသေးသော ငတုံးတစ်ယောက်မျှသာ ဖြစ်နေ၏။
အံ့ဖွယ်ချီရှန်း ကြယ်တာရာသားရဲ အကောင် ၂၀သည် တစ်ယောက်နှင့်တစ်ယောက် မတွေ့တာ အတော်ကြာပြီဖြစ်သော မိတ်ဆွေဟောင်းများပမာ စကားပြောနေလေ၏။ သူတို့က တည်ငြိမ်လွန်းပြီး သူတို့ရှေ့ရှိ ယဲ့ရှောင်ကို အလေးမထားကြချေ။ သူတို့က ယဲ့ရှောင်ကို ကျူးကျော်လာသူတစ်ဦးအနေဖြင့် သဘောမထားချေ။ သူတို့ အမြင်တွင် သူသည် အဝေးက လှမ်းကြည့်နေသော ကြယ်တာရာသားရဲများကဲ့သို့သာ ဖြစ်၏။ ယဲ့ရှောင်သည် အရသာရှိသော အဆီပြည့်ပြည့်အသား တစ်ပိုင်းသာ ဖြစ်သည်။ သူတို့ ယခု ဆွေးနွေးနေသည်က ထိုအဆီပြည့်နေသော အသားကို ခွဲဝေရမည့်ပုံပဲ ဖြစ်သည်။ ထိုအဆီများဖြင့် အသားကို မည်သို့ ဆွဲချရမည်လဲဆိုတာ မဟုတ်ပေ။
” ဟုတ်ပြီ အဓိပ္ပာယ် မရှိတာတွေ သိပ်မပြောရအောင်။ ငါတို့တွေက ကောင်းကင်နတ်ဆိုး ချောက်ကမ်းပါးရဲ့အောက်မှာ ရှိတဲ့ ဘော်ဒါကောင်းကြီးတွေပဲ။ အသားတစ်စအတွက် ဒီနေရာမှာ ခိုက်ရန်ဖြစ်ပွားနေဖို့ မလိုဘူး ”
” ဒီအသားကို လူတိုင်း ညီတူမျှတူ ခွဲယူမယ်။ ဒါကို စတေးမှုတစ်ခုအဖြစ် သတ်မှတ်လိုက်။ ဘယ်သူ့မှ ကိုယ်တိုင်အတွက် ယူခွင့်မရှိဘူး ”
ထိုစကားများ ပြောလိုက်သည်နှင့် ကျန်သည့် ကြယ်တာရာသားရဲများ၏ မျက်လုံးက လက်သွားတော့သည်။
သူတို့၏ ခွန်အားက ခြေ၈ဖက်မြင်းနှင့် ကျန်သည့်သူများထက် သေချာပေါက် နိမ့်ပေ၏။ သူတို့က ထိုအကြောင်း အမှန်တကယ် ပြောရမည်ဆိုလျှင် ယဲ့ရှောင်ကို စားရန် အခွင့်အရေး အနည်းဆုံး ဖြစ်၏။ သို့သော်ငြား ယခု ခြေ၈ချောင်းမြင်းကဲ့သို့ သိုင်းပညာရှင်တစ်ဦးက ပြောပြီးနေပြီဖြစ်သောကြောင့် ပြဿနာ မရှိတော့ပေ။
” စီနီယာ ခြေ၈ချောင်းမြင်းက တကယ် သဘောထားကြီးပါပေတယ် ”
” စီနီယာ ခြေ၈ချောင်းမြင်းက တွေးထင်ထားတဲ့အတိုင်းပါပဲ ”
ကြယ်တာရာသားရဲများ၏ အော်သံသည် နဂါးနတ်ဆိုးနှင့် နတ်စပါးအုံးတို့ကို အင်မတန် စိတ်မချမ်းမြေ့ ဖြစ်သွားစေတော့သည်။ သို့သော်ငြား သူတို့တတ်နိုင်တာ ဘာမှမရှိပေ။ ခြေ၈ချောင်းမြင်း၏ ခွန်အားက များပြားလွန်းပြီး သူတို့ထက် ပိုသန်မာ၏။
ထိုတင်မက ခြေ၈ချောင်းမြင်းသည် အစိမ်းရောင်ကျွဲစိမ်းနှင့် ကောင်းမွန်သည့် ဆက်ဆံရေးရှိပြီး လျှပ်စီးကျွဲစိမ်းကလည်း အလွန်အစွမ်းထက်သည်။ သူတို့နှစ်ယောက်သည် ကျန်သည့် သူအားလုံးကို အနိုင်ယူနိုင်မှာ မဟုတ်။ မဟုတ်လျှင် သူတို့ ဒေါသကို မြိုသိပ်မှာ မဟုတ်ပေ။
လျှပ်စီးကျွဲစိမ်းက သူ၏ ထူထဲသော ကြွက်သားများဖြင့် လက်မောင်းကို အနည်းငယ် မြှောက်လိုက်၏။
” တော်လောက်ပြီ အားလုံးစိတ်အေးအေးထား ”
ကြယ်တာရာသားရဲများက ချက်ချင်းပင် တိတ်သွားတော့၏။ ကြယ်တာရာသားရဲများက စကား ထပ်မပြောရဲတော့ချေ။
လျှပ်စီးကျွဲစိမ်းက ယဲ့ရှောင်ကို ကြည့်ပြီး ထူးမခြားနား ပြောလိုက်လေ၏။
” လူသား မင်းကို ဘယ်သူ့မှ မသတ်ခင် မေးစရာ မေးခွန်းတစ်ခု ရှိတယ်။ ကောင်းကင်နတ်ဆိုး ချောက်ကမ်းပါးကို ဘာကြောင့် ရောက်လာတာလဲ။ မင်းအသက်ကို ပစ်ထုတ်ဖို့အတွက် ဒီနေရာကို တကူးတက လာတယ်လို့ မပြောနဲ့နော် ”
ကောင်းကင်နတ်ဆိုး ချောက်ကမ်းပါးသည် လူသားမျိုးနွယ်၏ တားမြစ်ဧရိယာတစ်ခုပဲ ဖြစ်သည်။ လူသားတစ်ယောက်က ရုတ်တရက် ဖောက်ဝင်လာရာ လျှပ်စီးကျွဲစိမ်းက သိချင်စိတ် မဖြစ်ပဲ မနေနိုင်ပေ။ အကြောင်းအရင်း ဘာဆိုတာ မေးချင်နေ၏။
ယဲ့ရှောင်သည် အစကနေအဆုံးအထိ စကားမပြောခဲ့ပေ။ နေရာမှာတွင် ရပ်ရုံသာ ရပ်နေ၏။
သူသည် ကောင်းကင်နတ်ဆိုး ချောက်ကမ်းပါးသို့ ရောက်လာချိန်၌ သူ၏ ခမ်းနားသော ဆန်းကြယ်မှု ကောင်းကင် ခုနှစ်စင်ကြယ်သည် ချောက်ကမ်းပါးတစ်ခုလုံးကို အပြည့်အဝ စစ်ဆေးပြီး ဖြစ်သည်။ ဤနေရာ၌ အစွမ်းထက်သည့် ကြယ်တာရာသားရဲ မည်မျှရှိကြောင်း သူ သိနေပြီ ဖြစ်သည်။
ထို့ကြောင့် သူက စောင့်ဆိုင်းနေ၏။
သူသည် ထိုကြယ်တာရာသားရဲများအားလုံး သူ့ဆီ ရောက်လာမှာကို စောင့်နေတာ ဖြစ်သည်။ ပြီးမှ သူတို့အားလုံးကို တစ်ပြိုင်နက်တည်း သတ်ခြင်းက အချိန်ကုန် သက်သာပြီး အားစိုက်ထုတ်မှု ခြွေတာနိုင်ကာ ပြဿနာ နည်းစေ၏။ ယခုအချိန်တွင် နောက်ဆုံးကျန်သော ကြယ်တာရာသားရဲက ရောက်မလာလောက်ပေ။ တည်ငြိမ်သည့် ကြယ်တာရာသားရဲတစ်ကောင် ရှိနေလိမ့်မည်ဟု သူ မထင်ထားချေ။
စိတ်ဝင်စားစရာပဲ။
သို့သော် ယင်းက ကိစ္စမရှိပေ။ ထိုကြယ်တာရာသားရဲများ အားလုံးကို ဖြေရှင်းပြီးနောက် သူသည် သူမကို ဖြေရှင်းနိုင်သည်။
ထိုအချက်ကို တွေးမိပြီး ယဲ့ရှောင်က မျက်လုံး ဖြည်းဖြည်းချင်း ဖွင့်လိုက်တော့သည်။ ကောင်းကင်နတ်ဆိုး ချောက်ကမ်းပါး၏ အောက်ခြေ၌ သူ ဘာမှကို မမြင်နိုင်သော်ငြား သူ၏ ဝိညာဥ်စွမ်းအင် သိမြင်နားလည်မှု ချဲ့ထွင်ခြင်းကို ဟန့်တားနိုင်ခြင်း မရှိပေ။ သူ့နားရှိ အရာအားလုံးကို မြင်နိုင်၏။
ထိုကြယ်တာရာသားရဲများသည် အလွန်သန်မာသည့် အမြင်အာရုံ ရှိနေပုံပေါ်၏။ အကြောင်းမှာ သူတို့သည် ဤကဲ့သို့ ပတ်ဝန်းကျင်၌ အချိန်အတော်ကြာ နေခဲ့သောကြောင့် ဖြစ်သည်။ ပတ်ဝန်းကျင်နှင့် လိုက်လျောညီထွေ ဖြစ်နေပြီ ဖြစ်၏။ သို့သော်ငြား ယင်းက ကိစ္စမရှိပေ။
သူတို့က ဆေးကုန်ကြမ်း တစ်စုသာ ဖြစ်၏။ များများစားစား တွေးနေခြင်းက မည်ကဲ့သို့ အကျိုးထူးမည်နည်း။
သူ၏ မျက်လုံးအကြည့်တို့ အနည်းငယ် လှုပ်ရှားသွားစဥ် ယဲ့ရှောင်က ထချတော့၏။ သူက သတ်ဖြတ်နေစဥ် အဓိပ္ပာယ်မရှိ ပြောရတာကို မကြိုက်ပေ။
ဓါးရောင်ခြည်က မှောင်မဲနေသော နေရာထဲ၌ ရုတ်တရက် ပေါ်လာ၏။
၄င်းက နေတစ်စင်းပမာ ထိုမှောင်မဲနေသော ချောက်ကမ်းပါးကို တိုက်ရိုက် ဖြတ်သွားလျက် ကောင်းကင်နတ်ဆိုး ချောက်ကမ်းပါးတစ်ခုလုံးကို လင်းသွားစေတော့သည်။ ချက်ချင်းပင် မရေမတွက်နိုင်သော ကြယ်တာရာသားရဲများသည် ထိုတလက်လက် တောက်ပနေသော အလင်းကြောင့် ထိတ်လန့်ကုန်၏။
အော်သံများ၊ ဟိန်းသံများက အဆက်မပြတ် ပေါ်ထွက်နေလေ၏။
မရေမတွက်နိုင်သော ကြယ်တာရာသားရဲများက စတင်ပျံသန်းပြီး တကွဲတပြားဆီ ပြေးကုန်၏။ ရလဒ်အနေဖြင့် ပွတ်တိုက်မှု၊ ပြိုလှဲမှုတို့က ဖြစ်ပေါ်လာတော့သည်။ ကြယ်တာရာသားရဲများသည် ဖက်ထုပ်များသဖွယ် ကောင်းကင်ကနေ ဆက်တိုက် ပြိုကျလာ၏။ သို့သော်ငြား ထိုကြယ်တာရာသားရဲများ ပြုတ်ကျလာချိန်၌ သူတို့သည် ဓါးရောင်ခြည်နား ရောက်သွားပြီး ဝိညာဥ်စွမ်းအင်ကြောင့် ချေမှုန်းခံလိုက်ရ၏။ အရာအားလုံးက ခဏအတွင်း ဖြစ်ပျက်သွားသည်။
အံ့ဖွယ်ချီရှန်း ကြယ်တာရာသားရဲများသည် ယဲ့ရှောင် ရုတ်တရက် လှုပ်ရှားလိမ့်မည်ဟု မထင်ထားပေ။ ထိုလူသားက ဇစ်မြစ် မရှိ။ သူက သူတို့ကို ဖြေရှင်းရန် ဤနေရာသို့ အမှန်တကယ် ရောက်လာတာပဲ ဖြစ်သည်။
ဒါက ရယ်စရာပဲ။ သူ့ကိုသူ ဘယ်သူများ ထင်နေလဲ။ ဒီလိုနေရာမှာ နိုင်လိုမင်းထက် ပြုမူနိုင်လောက်အောင် သူ့မှာ ခွန်အား ရှိလို့လဲ။ ဒီနေရာမှာ အံ့ဖွယ်ချီရှန်း၂၀ရှိနေတာလေ။ စုစုပေါင်း အံ့ဖွယ်ချီရှန်း ၂၀။
မယုံနိုင်စရာကောင်းတဲ့ သိုင်းပညာရှင်တွေ အများကြီး ရှိနေတယ်။ သူတို့ကို အတူတူ ပေါင်းလိုက်ရင် သူ အကြိမ်တစ်ရာသေဖို့ လုံလောက်နေပြီ။ သူ့မှာ ဘာရှိပိုင်ခွင့် ရှိလို့လဲ။ သူ ဘယ်လိုလုပ် လှုပ်ရှားရဲတာလဲ။
သို့သော် အံ့ဖွယ်ချီရှန်း ကြယ်တာရာသားရဲတစ်စုက ဒေါသတကြီး တိုက်ခိုက်တော့မည့်အချိန်၌ ဓါးရောင်ခြည်က ကျဆင်းလာ၏။
ဖုန်း။
ဧရာမ ဓါးရောင်ခြည်သည် ယဲ့ရှောင်ရှေ့ရှိ ရှန်းထျန်းသတ္တမအဆင့် အံ့ဖွယ် ကြယ်တာရာသားရဲ နှစ်ကောင်ကို နှစ်ပိုင်း ပိုင်းသွားတော့သည်။
သူက ဂရုတစိုက် ထိန်းချုပ်ထား၏။ မဟုတ်လျှင် ထိုအကွက်ဖြင့် သူသည် ထိုနှစ်ကောင်ကို ဖုန်မှုန့်အဖြစ် ပြောင်းလဲမိလိမ့်မည်။
ယဲ့ရှောင်သည် ကြယ်အမြုတေကို ရှာရန်နှင့် ဆေးလုံးသန့်စင်ရန် ကောင်းကင်ရတနာများကို ရှာရန် ဤနေရာသို့ ရောက်လာသောကြောင့် ဖြစ်သည်။ သူက ဖျက်ဆီးဖို့ ရောက်လာတာ မဟုတ်ပေ။ ထို့ကြောင့် တစ်ဖက်သူ၏ အလောင်းနှင့် ကြယ်အမြုတေကို သူ သိမ်းထားချင်သည်။
အံ့ဖွယ်အဆင့် ကြယ်တာရာသားရဲ နှစ်ကောင်ကို တစ်ကွက်တည်းဖြင့် ချက်ချင်း သတ်ဖြတ်လိုက်ခြင်းသည် ကျန်သည့် ကြယ်တာရာသားရဲများကို ရင်တုန်သွားစေ၏။
သိပ်အစွမ်းထက်တာပဲ။
” သွား ”
အံ့ဖွယ်အဆင့် ကြယ်တာရာသားရဲ အားလုံးနီးပါးက ယခုအချိန်တွင် သူတို့စိတ်ထဲ ထိုအတွေးသာ ရှိတော့သည်။
ဧရာမသားရဲ၈ကောင်သည် အရပ်မြင့်မားပြီး ကြံ့ခိုင်သော လူသားအသွင်သဏ္ဍန် ရှိ၏။ သို့သော်ငြား သူတို့က မည်သည့် အသွင်သဏ္ဍဖြစ်စေကာမူ သူတို့ အရှိန်အဝါများက တောင်များကို တုန်လှုပ်စေ၊ မြစ်များကို လှုပ်ခါစေနိုင်သည့် အစွမ်းရှိသည့်ပမာ လွှမ်းမိုးနိုင်စွမ်း ရှိလွန်းသည်။
အံ့ဖွယ်ချီရှန်း ( ၁၈ )ဦး၏ အရှိန်အဝါတို့သည် ယဲ့ရှောင်၏ ခေါင်းကို ဖိချလာ၏။ အခြားသော အံ့ဖွယ်ဂိုဏ်းများသာဆိုလျှင် သူတို့က ယခုအချိန်၌ လက်မြှောက်ပြီး ကျင့်စဥ်ကို အသုံးပြုနိုင်မှာ မဟုတ်ပေ။
ဖိအားက သန်မာလွန်း၏။ သန်မာလွန်းသောကြောင့် ပတ်ဝန်းကျင်ရှိ အရိုးခြောက် ပင်လယ်ကြီးသည် ဝါဂွမ်းအပိုင်းအစကဲ့သို့ မြေပြင်ကို ဖိချလိုက်သည်ဟု ခံစားလိုက်ရသည်။ မရေမတွက်နိုင်သော အရိုးခြောက်များက အမှုန့်ဖြစ်သွားပြီး ဖုန်မှုန့်များအဖြစ် ပြောင်းလဲကုန်၏။
သူတို့သည် ပေတစ်ရာအကွာအဝေးသို့ အတင်းအဓမ္မ ဖိချခံလိုက်ရ၏။ သို့သော်ငြား ယဲ့ရှောင်၏ ခန္ဓာကိုယ်က မလှုပ်ရှားသွားပေ။
ခုနှစ်စင်ကြယ်၏ ခမ်းနားသော ဆန်းကြယ်မှုကို သုံးလျက် ဝိညာဥ်စွမ်းအင်များကို သိပ်သည်းလိုက်တော့သည်။ အစွမ်းထက်သည့် လှိုင်းများက အံ့ဖွယ်အဆင့် ကြယ်တာရာသားရဲ ( ၁၈ ) ကောင်ကို လွင့်ထွက်သွားတော့သည်။
သူတို့ထဲ၌ အံ့ဖွယ်အဆင့် ကြယ်တာရာသားရဲ (၆ )ကောင်သည် ရှန်းထျန်းသတ္တမအဆင့် ခွန်အားသာ ရှိပြီး သူတို့၏ ချီသွေးကြောများက နေရာမှာတင် သွေဖယ်ကုန်၏။ သူတို့၏ ရုပ်ခန္ဓာများသည်လည်း ဒဏ်ရာ ပြင်းပြင်းထန်ထန် ရကုန်ကာ တိုက်ပွဲဝင်ခွန်အား ဆုံးရှုံးသွားသည်။
တစ်ကွက်။ နောက်ထပ်တစ်ကွက်ဖြင့် အံ့ဖွယ်အ
ဆင့် ကြယ်တာရာသားရဲ (၆ ) ကောင် အရှုံးပေးလိုက်ရသည်။
( ၁၂ ) ကောင် ကျန်သေး၏။ ထိုမြင်ကွင်းကို သူတို့ မြင်တွေ့သောအခါ ထိတ်လန့်လွန်းသောကြောင့် ဆွံ့အကုန်၏။ သို့သော် ယင်းက အဆုံးသတ် မဟုတ်ပေ။ ပွဲကြီးပွဲကောင်းက စတင်ခါစ ဖြစ်၏။
ယဲ့ရှောင်သည် နတ်ဘုရားအာရုံစူးစိုက်ခြင်းကို ထုတ်ဖော်ပြီး နဂါးနတ်ဆိုးရှေ့သို့ ချက်ချင်း ရွှေ့ပြောင်းလိုက်၏။
နဂါးနတ်ဆိုး တုံ့ပြန်မှာကို စောင့်မနေပဲ မဟာ နိဗ္ဗာနလက်သီးကို သုံးလိုက်သည်။
” မဟုတ်ဘူး ”
စိတ်ပျက်အားငယ်စွာဖြင့် နိုင်လိုမင်းထက် အရှိန်အဝါနှင့် စွမ်းအင်ကို အာရုံခံမိသွားသောအခါ နဂါးနတ်ဆိုး၏ တစ်ကိုယ်လုံးက ပြိုလဲသွားတော့သည်။
လက်သီး ထိုးချလိုက်၏။
၄င်းသည် လျှပ်စီးလုံးပမာ နဂါးနတ်ဆိုး၏ ခေါင်းကို ချက်ချင်း မွမွချေသွားတော့သည်။ ဦးခေါင်းမဲ့နေသော နဂါးခန္ဓာက ကျန်ရစ်၏။ ၄င်းသည် အင်မတန် ပြားကပ်နေသည့် မြေပြင်ဖြစ်သွားအောင် အရိုးခြောက်များကို ဖိနှိပ့်လိုက်ပြီး သိပ်သည်းသည့် အရိုးပြာမှုန့်လှိုင်းများကို လွင့်ထွက်သွားစေတော့သည်။
ယင်းက ၄င်း၏ ခန္ဓာကိုယ်တွင် တစ်ခါမှ မရှိခဲ့ဖူးသည့် နာကျင်မှု အာနိသင်ပဲ ဖြစ်သည်။
ကြယ်တာရာသားရဲများက ထိတ်လန့်ရန် အချိန်မရသေးခင် ယဲ့ရှောင်က ခြေ၈ချောင်းမြင်း ရှေ့၌ ထပ်မံ ပေါ်ပေါက်လာပြန်၏။ ခြေ၈ချောင်းမြင်း၏ ရင်ထဲ ထိတ်လန့်သွားတော့သည်။
လျှပ်စီးကျွဲစိမ်းက လျှပ်စီးဖြင့် ရောထားသည့် သံမဏိလက်သီးတစ်စုံကိုတောင် ဝှေ့ရမ်းလျက် ယဲ့ရှောင်၏ ခေါင်းကို ထိုးချလိုက်တော့သည်။
” ခြေ၈ချောင်းမြင်း မြန်မြန်ရှောင်။ သူ့ကို ထိပ်တိုက် မရင်ဆိုင်နဲ့ ”
လျှပ်စီးကျွဲစိမ်းက အလွန်ကောင်းကောင်း တွေးထားပေ၏။ သူသည် ယဲ့ရှောင် တိုက်ခိုက်နေတာကို တားမြစ်ရန် ချုံခိုတိုက်ခိုက်ခဲ့၏။ တစ်ဖက်တွင် ခြေ၈ချောင်းမြင်း၏ ကိုယ်ဖော့သိုင်းက အလွန်မြန်ဆန်၏။ ထို့ကြောင့် သူ ရှောင်တိမ်းနိုင်ရန် အခွင့်အရေးက အလွန်မြင့်မားသေးသည်။
သူ၏ လက်သီးက ယဲ့ရှောင်ကို ထိခိုက်နာကျင်စေမှာ မဟုတ်မှန်း သေချာပေါက် သိနေသော်ငြား အနည်းဆုံးတော့ ခြေ၈ချောင်းမြင်း၏ ဘေးဒုက္ခကို ရှေးဦးစွာ ဖြေရှင်းပေးနိုင်လိမ့်မည်ဖြစ်သည်။ သို့သော်ငြား သူ အမှားတစ်ခု လုပ်လိမ့်မည်ဟု မည်သည့်အခေါက်ကမှ မထင်ထားပေ။ ယဲ့ရှောင်က မရှောင်ခဲ့ပေ။ သူက လေထဲတွင် ရပ်နေလျက် ရှောင်တိမ်းခြင်းမပြု။ သူ၏ ခန္ဓာကိုယ်ပေါ် လျှပ်စီးလက်သီးတစ်စုံ ကျရောက်ခွင့် ပေးထားသည်။
ဖုန်း။
ပြင်းထန်သည့် ပေါက်ကွဲမှုက ပေါ်ထွက်လာပြီး လှိုင်းများက ပြန့်ကားလေ၏။ ပေတစ်သောင်းခန့် အကွာအဝေးအတွင်း၌ ထိုလက်သီး၏ သက်ရောက်မှုက ရှိနေသည်။ သူသည် ရှန်းထျန်းနဝမအဆင့် ရောက်နေပြီဖြစ်၏။ သူက အင်မတန် အစွမ်းထက်သော ကြယ်တာရာသားရဲတစ်ကောင် ဖြစ်သည်။ သို့သော်ငြား သူက စိတ်ပျက်အားငယ်နေရ၏။ ယဲ့ရှောင်က အမှန်တကယ် မရှောင်တိမ်းခဲ့ချေ။ သို့သော် သူ၏ ခန္ဓာကိုယ်ကလည်း မရွေ့သွား။ သူ၏ လက်သီးက သူ့ခန္ဓာကိုယ်ပေါ်ရှိ ဆံချည်တစ်မျှင်ကိုတောင် မထိခိုက်စေခဲ့ပေ။
ယင်းက ခန္ဓာသန့်စင်ခြင်း ကျင့်စဥ်ပဲ ဖြစ်သည်။ တစ်ဖက်သူ၌ ခန္ဓာသန့်စင်ခြင်းကျင့်စဥ် ရှိသည်။ ထို့အပြင် တစ်ဖက်သူ၏ ခွန်အားက အမှန်တကယ် သန်မာ၏။ သန်မာလွန်းသောကြောင့် ခုခံဖို့တောင် သူ မထိုးဖောက်နိုင်ပေ။ သူ လှုပ်ရှားလိုက်သည်နှင့် တစ်ပြိုင်နက် ယဲ့ရှောင်၏ ဓါးမော့ရောင်ခြည်သည် ပြိုင်ဘက်ကင်းသည့် သွင်ပြင်ဖြင့် ပိုင်းဖြတ်ပြီး ဖြစ်နေသည်။
၄င်းက တစ်ဖက်သို့ လှည့်ကာ ထွက်ပြေးနေသော ခြေ၈ချောင်းမြင်းကို ထက်ပိုင်းပိုင်းလိုက်တော့၏။ချက်ချင်း သတ်ဖြတ်ခြင်း။
မြင်ကွင်းတစ်ခုလုံး တိတ်ဆိတ်သွားလေ၏။ ကြယ်တာရာသားရဲအားလုံးက ထိတ်လန့်မှုကြောင့် ပါးစပ်အဟောင်းသား ဖြစ်ကုန်၏။
ယင်းက ခြေ၈ချောင်းမြင်းပဲ ဖြစ်သည်။
ကောင်းကင်နတ်ဆိုး ချောက်ကမ်းပါးတစ်ခုလုံး၌ ထိပ်တန်းသုံးယောက်ထဲ ဝင်နိုင်သည့် ခွန်အားရှိသည့်သူပဲ ဖြစ်သည်။ သို့သော်ငြား ယနေ့တွင် သူက တစ်ဖက်သူ ချက်ချင်း သတ်ဖြတ်တာ ခံလိုက်ရ၏။
နောက်ဆုံးတွင် လျှပ်စီးကျွဲစိမ်းသည် ယဲ့ရှောင် ဤနေရာသို့ ရောက်လာရသည့် အကြောင်းအရင်းကို နားလည်သွား၏။ သူက ရူးသွပ်နေတာ မဟုတ်။ သေချင်၍ ဤနေရာကို ရောက်လာတာလည်း မဟုတ်ပေ။ ဂိမ်းကစားရန် ဤနေရာသို့ ရောက်ခြင်းသာ ဖြစ်သည်။ ကျန်သည့်သူများအတွက် ကောင်းကင်နတ်ဆိုး ချောက်ကမ်းပါးအောက်ရှိ အံ့ဖွယ်ချီရှန်း( ၂၀ )ဟူသည် သူ၏ ကစားစရာသာ ဖြစ်သည်။ ထို့ကြောင့် အစကနေ အဆုံးအထိ သူ စကားတစ်ခွန်းမှ မပြောခဲ့ပေ။ မည်သူက ကစားစရာများကို စကားပြောမည်နည်း။
ဖွီး။
နောက်တစ်စက္ကန့်၌ သူ၏ ရင်ဘက်ထဲမှ စူးရှသော နာကျင်မှု ပေါ်လာ၏။
တစ်ဖက်သူ၏ မဟာ နိဗ္ဗာနလက်သီးသည် သူ၏ ရင်ဘက်ကို ထိုးဖောက်သွားပြီဖြစ်ကြောင်း သူ သိနေသည်။
သူ၏ နှလုံးကလည်း အဖောက်ခံလိုက်ရပြီး ကွဲကြေသွားကြောင်း သူ ပြောနိုင်၏။ သူ၏ အသိစိတ်က အမှောင်ထုထဲ တဖြည်းဖြည်းချင်း ကျရောက်သွားတော့သည်။ သူ့အနားပတ်ဝန်းကျင်ရှိ အသံများကိုတောင် သူ မကြားနိုင်တော့ပေ။ ကောင်းကင်နတ်ဆိုး ချောက်ကမ်းပါးအောက်၌ အချိန်ကြာမြင့်စွာ နေထိုင်ခဲ့သော ကြယ်တာရာသားရဲတစ်ကောင်အနေဖြင့် သူက တိတ်ဆိတ်မှုနှင့် အသားကျနေပြီ ဖြစ်သည်။
သို့သော် ယခုအချိန်၌ ထိုတိတ်ဆိတ်မှုအပေါ် သူ၏ အကြောက်တရားများ ပြည့်နေ၏။ အကြောင်းမှာ ယင်းက သေခြင်းတရားကို ကိုယ်စားပြုမှန်း သူ သိနေသောကြောင့် ဖြစ်သည်။ ကျန်ရှိသည့် အံ့ဖွယ်အဆင့် ကြယ်တာရာသားရဲ ( ၉ ) ကောင်ကလည်း မင်သက်ကုန်၏။
ဘာတွေဖြစ်ကုန်တာလဲ။
ယဲ့ရှောင် တိုက်ခိုက်ပြီး ၁၀စက္ကန့်တောင် မပြည့်သေးပုံရ၏။
အပိုင်း ၂၄၃ ပြီး၏။