Chapter – 58

ယဲ့ဖန်း၏နှလုံးသားက စိတ်လှုပ်ရှားမှုများကြောင့် ဆက်တိုက်ခုန်လှုပ်နေသည်။ သူက ချက်ချင်းလိုလို တာအိုကျမ်းစာပိုဒ်ကို တွေးမိလိုက်သည်။ ဝိညာဥ်အပျက်အစီး ကောင်းကင်မှ ခေါင်းဆောင်က ထိုမဟာမိစ္ဆာနှင့် တိုက်ခိုက်နေသော အကြောင်းပြချက်ထဲမှ တစ်ခုက ထိုတာအိုကျမ်းစာပိုဒ်နှင့် အရှေ့ပိုင်းအပျက်အစီး ပျက်သုဥ်းခြင်းနယ်မြေမှ ရတနာကြောင့်ဖြစ်သည်။
ရွှေရောင်စာရွက်က အလွန်အမင်း လျို့ဝှက်ဆန်းကျယ်လွန်းသည်။ ထို့အပြင် သက်တန့်ရောင်စင် အလင်းတန်း အဆီအနှစ်များကိုလည်း ထုတ်လွင့်နေသေးသည်။ ထို့အပြင် မျက်စိကြိမ်းမတက် တောက်ပလွန်းကာ လူအများက တည့်တည့်ပင် စိုက်မကြည့်ရဲချေ။ ပို၍ဆိုးသည်မှာ သူ၏လက်ထဲတွင် အလွန်လေးနေခြင်းဖြစ်သည်။ သတ္ထုထက်ပင် ပိုလေးနေသေးသည်။
“ဒါက စာရွက်တစ်ရွက်ပဲ။ ဒါပေမဲ့ အထဲမှာ စာလုံးရေ သောင်းကျော်တောင် ရှိနေမှာကို စိုးရိမ်ရတယ်။”
ယဲ့ဖန်းက မျက်လုံးကို မှေးကျဥ်းပြီးနောက် လက်ထဲမှစာရွက်ကို အကဲခက်ကြည့်သည်။ သို့ရာတွင် သူက မည်သို့ပင် ကြိုစားစေကာမူ အပြင်ပန်းကိုသာ ဝေးဝါးစွာ ကြည့်နိုင်သည်။ အထဲရှိ စကားလုံးများမှာလည်း သေးငယ်လွန်းလှသည်။
ထို့အပြင် စာမျက်နှာ နှစ်ဖက်လုံးတွင် စာများက သိပ်သည်းစွာ ရှိနေလေသည်။ ကြယ်ရောင်များကဲ့သို့ တောက်ပနေပြီး မျက်စိကြိမ်းမတက် တောက်ပမှုကိုသာ လွင့်ထုတ်နေသည်။ ယဲ့ဖန်း၏စိတ်က မတည်ငြိမ်တော့ချေ။ သူ ခန့်မှန်းသည်မှာ မှန်ကန်လျှင် ယင်းကသေချာပေါက် တာအိုကျမ်းစာပိုဒ် ဖြစ်လောက်သည်။ သို့သော် သူက ဒီလိုရမည် မထင်ထားမိချေ။ ပုံမှန်မဟုတ်သလိုပင် ခံစားနေရသည်။ သူက ထိုစာပိုဒ်ကို လက်ထဲတွင် ညစ်ကြည့်လိုက်ပြီးနောက် အချိန်အတန်ကြာ စိတ်ငြိမ်သွားသည်။
သို့ရာတွင် အစိမ်းရောင်မျက်နှာနှင့် ဖန်းပေါ်ကို တွေးမိသောအခါ သူက အလားအလာကို တွေးလိုက်မိသည်။ တစ်ဖက်သူက အလောင်းကို လွင့်ထွက်စေခြင်းအားဖြင့် သူဆီ ရောက်လာစေခဲ့ခြင်း ဖြစ်သည်။ ထို့အပြင် သူ့ကို ကြည့်သွားခဲ့သေးသည်။ ထိုထဲတွင် အဓိပ္ပါယ်အပြည့်ပါနိုင်သည်။
“သူက ရည်ရွယ်ချက်ရှိရှိနဲ့ ဒီလိုလုပ်ခဲ့တာပဲ။”
ယဲ့ဖန်းက ဖြစ်နိုင်ခြေကို တွေးမိသွားသည်။ သို့ရာတွင် ဖန်းပေါ်၏ ကိုယ်ထဲတွင် အမည်မသိရသော တည်ရှိမှုတစ်ခုရှိနေသည်။ ထိုတည်ရှိမှုက ထိုမျှမကြင်နာနိုင်ချေ။ ထို့ကြောင့် သူ့ကို အကြောင်းမဲ့ မကူညီနိုင်လောက်ချေ။
” အဲဒါက ဖန်းပေါ်ပဲ။”
ယဲ့ဖန်းက ဖြစ်နိုင်ခြေကို လျင်မြန်စွာတွေးမိသွားသည်။
ဖန်းပေါ်က သူ၏ခန္ဓာကိုယ်ကို ထိန်းချုပ်နိုင်ရန် တိုက်ခိုက်နေလောက်သည်။ သူက ယာယီအားဖြင့် ထိုတစ်ခဏအတွင်း ခန္ဓာကိုယ်ကို ထိန်းချုပ်ခဲ့ခြင်းလည်း ဖြစ်လောက်သည်။ သို့ရာတွင် ထိုသို့တွေးပြီးနောက် ယဲ့ဖန်းက ခေါင်းခါလိုက်သည်။ ဖြစ်နိုင်ခြေက အလွန်နည်းသည်။ ဖန်းပေါ်က အမည်မသိရသော တည်ရှိမှုနှင့် ပတ်သက်ဆက်နွယ်နေသည်။ သို့သော် သူက အသာစီးမရနိုင်ခြင်း မရှိချေ။
“ဒီလို သေရေးရှင်ရေး အခြေနေမှာ ငါ ဝင်ပြီး နှောက်ယှက်လိုက်ရင် သူ့အသက်က ဒုက္ခရောက်သွားမှာပဲ။”
ယဲ့ဖန်းက တွေးတောမိပြီးနောက် အမည်မသိရသောတည်ရှိမှုနှင့် ဖန်းပေါ်က သဘောတူညီမှုတစ်ခု ရရှိသွားသောကြောင့်သာ ယာယီအားဖြင့် ဤရွှေရောင်ကျမ်းစာပိုဒ်ကို မည်သူမှ မသိအောင် သူ့ထံ ပေးလိုက်ခြင်းဖြစ်ကြောင်း နားလည်လိုက်သည်။
ယဲ့ဖန်းကတွေးလေလေ သူက ဤဖြစ်နိုင်ခြေက ပို၍ မှန်ကန်လေလေဖြစ်ကြောင်း သိလာလေသည်။ ဖန်းပေါ်က သူ့ကို ကူညီပြီး ကျမ်းစာပိုဒ်ကို ပေးလိုက်သည်။ သူက ရေရွတ်လိုက်သည်။
“ဖန်းပေါ် ဘာမှ မဖြစ်ပါစေနဲ့။”
ဖန်းပေါ်၏မျက်နှာတွင် ပေါ်လာသည့် မကောင်းဆိုးဝါးမိစ္ဆာသင်္ကေတများကို တွေးမိသောအခါ ယဲ့ဖန်း၏နှလုံးသားက လေးကန်သွားသည်။ ထိုအမည်မသိရသော တည်ရှိမှုက မကောင်းဆိုးဝါးကြီးနှင့်တူသည်။ သို့သော် ရှင်းလင်းစွာဖြင့်ပင် မဟာမိစ္ဆာများနှင့် ကွာခြားနေသည့်အချက်က သိသာထင်ရှားလွန်းနေသည်။ လူသားမျိုးနွယ်မှ တာအိုကျမ်းစာပိုဒ်ကို သူက စိတ်မဝင်စားသည်မှာ ပုံမှန်သာဖြစ်သည်။ ထို့ကြောင့် သူ့ကို ပေးအပ်ခဲ့ခြင်းဖြစ်သည်။
ယဲ့ဖန်က စိတ်ငြိမ်သွားပြီးနောက် အလောင်းများကို ဂရုတစိုက် စစ်ဆေးကြည့်လိုက်သည်။ သို့သော် မည်သည့်အရာကိုမှ ရှာမတွေ့တော့ချေ။
ဤအလောင်း တစ်လောင်းထဲတွင်သာ ရွှေရောင်စာမျက်နှာက ပါနေခြင်းဖြစ်သည်။ ထို့အပြင် တလက်လက်တောက်ပကာ လေးလံလွန်းသေးသည်။ သူက ရတနာဂူတစ်ခုလုံးကို သယ်ထမ်းရသလို ဖိအားများစေသည်။ အမှန်အတိုင်းဆိုရသော ဤစာရွက်တစ်ရွက်ကတင် မည်သည့်ရတနာထက်မဆို တန်ဖိုးကြီးလွန်းနေပြီဖြစ်သည်။
ယဲ့ဖန်က အာရုံစူးစိုက်လိုက်ပြီးနောက် သူ၏ဒုက္ခဆင်းရဲရွှေရောင်ပင်လယ်နှင့် ဆက်သွယ်ရန် ကြိုးစားလိုက်သည်။ သူက အကောင်းဆုံးကြိုးစားကာ မြင်နိုင်စွမ်းအားကို အသုံးပြုလိုက်ခြင်းအားဖြင့် ရွှေရောင်စာမျက်နှာတွင် မှတ်တမ်းတင်ထားသော အရာများကို သိလိုစိတ်ပြင်းပြနေသည်။ သူ၏ဒုက္ခဆင်းရဲပင်လယ်ထဲတွင် ရွှေရောင်အလင်းတန်းမျှင်များက သူ၏ ခန္ဓာကိုယ်တစ်လျှောက် စီးဆင်းသွားပြီးနောက် ယဲ့ဖန်း၏မျက်လုံးများထံသို့ ရောက်လာသည်။
ဤနည်းအားဖြင့် သူ၏မျက်ဝန်းကိုပါ ရွှေရောင် တလက်လက် တောက်ပလာစေသည်။
“ပြန်လည်မွေးဖွားခြင်း စာလိပ် ပင်လယ်။”
ရွှေရောင်စာမျက်နှာ၏ အစပိုင်းတွင် ကြီးမားသောရှေးဟောင်းစာသားများကို ထင်ရှားစွာ မြင်လိုက်ရသည်။ ၄င်းက တောက်ပသည့် လမင်း သုံးစင်းလို မျက်စိကြိမ်းမတက် ထင်ရှားသောအလင်းကို လွင့်ထုတ်နေသည်။ အောက်သို့ တစ်ဖန် ငုံ့ကြည့်ပြီးနောက် စကားလုံးများက ပို၍သေးငယ်သွားသည်။ သူက ခပ်ရေးရေးသာ ဖတ်လိုက်နိုင်သည်။
သို့ရာတွင် သူ၏ မျက်လုံးကို နာကျင်စေပြန်သည်။ ထိုရှေးဟောင်း သင်္ကေတများက အလင်းတန်းကို လွင့်ထုတ်နေပြီး ရွှေရောင်အပ်များနှင့် တူညီနေသည်။ ထို့ကြောင့် ဖတ်ချင်လေလေ သေချာ မမြင်ရလေလေဖြစ်လာသည်။ သူ၏မျက်လုံးက စူးရှကိုက်ခဲလာပြီး ပြင်းထန်သော နာကျင်မှုကို ခံစားလိုက်ရသည်။
ထိုအချိန်တွင် ယဲ့ဖန်း၏မျက်လုံးက နီရဲလာပြီး အလွန်အမင်း ကြိမ်းစပ်လာသည်။ သူ၏မျက်လုံးကပင် မျက်ရည်များ စီးကျလာသည်။ သူက အလျင်အမြန် မျက်လုံးကို အကြည့်လွှဲလိုက်ပြီးနောက် ရွှေရောင်အလင်းတန်းများကို ပျောက်ကွယ်သွားစေလိုက်သည်။
ထို့နောက် တခဏခန့် အချိန်ယူကာ သက်သာအောင် လုပ်ရသည်။ ထိုအခြေနေက သူ့ကို အံ့အားသင့်စေသည်။ သူက ပုံမှန်အတိုင်းကြည့်လျှင် ထိုစကားလုံးများကို ရှင်းရှင်းလင်းလင်း မမြင်ရသော်လည်း သူ၏မျက်လုံးကို မနာကျင်ချေ။
သို့သော် သူ၏ မျက်လုံးကို နတ်အလင်းတန်းများ ပို့လွတ်ပြီးနောက် ထိုကျမ်းစာပိုဒ်ကို ရှင်းရှင်းလင်းလင်း မြင်သွားနိုင်သည်။ သို့သော် ၄င်းက မျက်လုံးကို နာကျင်စေသည်။ ယင်းက အံ့အားသင့်စရာကောင်းသည့် အချက်ဖြစ်သည်။
“ဒီတာအိုကျမ်းစာပိုဒ်က အတော်လေးကို ထူးခြားတာပဲ။”
ယဲ့ဖန်းက လက်မလျော့ချေ။ သူက တခဏခန့် အနားယူပြီးနောက် တစ်ဖန်စူးစိုက်လိုက်ပြန်သည်။ ထို့နောက် ဒုက္ခဆင်းရဲပင်လယ်နှင့် ဆက်သွယ်လိုက်ပြန်ကာ အကောင်းဆုံးကြိုးစားပြီး မြင်နိုင်အောင်လုပ်သည်။ သို့ရာတွင် ဤတစ်ကြိမ်တွင် အစပိုင်းသို့ မကြည့်တော့ဘဲ ပြောင်းပြန်ဘေးဘက်မှ စကားလုံး အနည်းငယ်ကို ကြည့်လိုက်သည်။
“ပြန်လည်မွေးဖွားခြင်း စာလိပ်ပင်လယ် .. ။”
ဘေးဘက်ရှိ ထင်ရှားသည့် စကားလုံးသုံးလုံးကလည်း ထိုစာသားများ ဖြစ်နေပြန်သည်။ သို့သော် ထိုစကားလုံးများက ပို၍ကြည်ပြီး ထင်ထင်ရှားရှား မြင်ရသည်။ ပင်လယ်ထဲမှ မြင့်တက်လာသည့် တောက်ပသည့် လမင်းလို ရောင်စုံအလင်းတန်းများကို လွင့်ထုတ်ကာ ဖြာကျ ထုတ်လွင့်နေသည်။
တူညီစွာဖြင့်ပင် ထိုစကားလုံး၏ ဘေးဘက်တွင်လည်း အခြားသော သင်္ကေတများကို ထင်ထင်ရှားရှား မြင်ရပြန်သည်။ စကာလုံး တစ်လုံးချင်းစီတိုင်းက အလွန်သေးငယ်လွန်းနေကာ အသေးစားနေလုံးများက စုပေါင်းထားသလို ထင်ရပြီး မျက်စိကြိမ်းမတတ် ခမ်းနားသောအလင်းကို လွင့်ထုတ်နေသည်။
ဤနည်းအားဖြင့် နတ်အလင်းတန်းများကိုပါ သယ်ဆောင်ထားသေးသည်။ ယင်းက ရွှေရောင်အပ်များ ထုတ်လွှင့်နေသလို ကြည့်နေသည့်မျက်လုံးကို နာကျင်လာစေသည်။ ထို့ကြောင့် ဆက်တိုက် မသက်မသာဖြစ်လာစေသည်။ ယဲ့ဖန်းက အလျင်အမြန် အကြည့်လွှဲလိုက်ရပြန်သည်။ သူ၏နှလုံးခုန်နှုန်းကလည်း အလွန်အမင်း မြန်ဆန်နေသည်။
ထိုအချိန်တွင် ရွှေရောင်စာမျက်နှာက တာအိုကျမ်းစာပိုဒ်၏ အရေးကြီးဆုံး အပိုင်းတစ်ပိုင်းဖြစ်ကြောင်း နားလည်သွားသည်။
ပြန်လည်မွေးဖွားခြင်း ပင်လယ်ဆိုသောအရာက အသက်ဘီးနှင့် ဒုက္ခဆင်းရဲပင်လယ်ကို ရည်ညွှန်းခြင်းဖြစ်လောက်သည်။ ၄င်းက နတ်စွမ်းအင်များ၏ အရင်းအမြစ်ဖြစ်ပြီး ကျင့်ကြံသူ၏ အုတ်မြစ်လည်းဖြစ်သည်။ ဝိညာဥ် အပျက်အစီး အံ့အားသင့်ဖွယ်နယ်မြေမှ ဂိုဏ်းခေါင်းဆောင်က ၄င်းက တာအိုကျမ်းစာပိုဒ်မှ အရေးအကြီးဆုံးအပိုင်းဟု ပြောသည်မှာ အံ့ဩစရာမရှိတော့ချေ။ ယင်းက ထာဝရရှင်သန်ခြင်း ကျမ်းစာပိုဒ် ပထမဦးဆုံးတစ်ပိုင်း ဖြစ်နေသည်။ အရာအားလုံး၏ အုတ်မြစ်ဖြစ်နေပြန်သည်။
လူအိုကြီး ဝူချင်ဖုန်းက ကျင့်ကြံသူတစ်ယောက်က အသက်ဘီးနဲ့ ဒုက္ခဆင်းရဲပင်လယ်ကို အကန့်အသတ်ထိရောက်အောင် ကျင့်ကြံနိုင်ပြီးလျှင် တဘဝလုံး အကျိုးအမြတ်ရနိုင်ပြီး အထွတ်အထိပ်ထိရောက်ရှိသွားသည့် ကျွမ်းကျင်ပညာရှင်တစ်ယောက် ဖြစ်လာနိုင်သည်ဟု ဆိုသည်။ ထိုအချက်မှတစ်ဆင့် ဤစာပိုဒ်က မည်မျှအရေးကြီးကြောင်း သိနိုင်လေသည်။
ဝိညာဥ်အပျက်အစီး အံ့အားသင့်ဖွယ်နယ်မြေတွင်ပင် ဤစာလိပ်၏ တစ်ပိုင်းသာ ရှိသည်။ ၄င်းက မူရင်းစာပိုဒ်၏ တစ်ဆယ်ရာခိုင်နှုန်းကို အပြည့်အဝပင် မရှိသေးချေ။ ဒုက္ခဆင်းရဲပင်လယ်ကို ဖြတ်ကျော်နိုင်ရန်အတွက် ထာဝရဖြစ်နိုင်သည့် ရှင်သန်ခြင်း မျိုးစေ့များကိုသာ ဖတ်ရှုခွင့်ပြုထားသည်။
ယင်းက သင့်လျှော်သော အခြားသောသိုင်းများလည်း မဟုတ်ချေ။ ထို့ကြောင့် ယဲ့ဖန်းကို နောင်တရသလို ခံစားရစေသည်။ သို့သော် ဒီတခဏတွင်မူ သူက ယခုလို ဤစာလိပ်၏အပြည့်အဝ တစ်ပိုင်းကို ရရှိလိုက်၍လည်း အလွန်ပျော်ရွှင်သွားသည်။ သူ့အနေဖြင့် တစ်ဘဝလုံးစာ လုံလောက်သည့် အကြွေးများကို ရရှိသွားသည်ဟု ဆိုလိုနိုင်သည်။ ဤစာလိပ်က အဆုံးစမဲ့အောင် ကျင့်ကြံနိုင်သည့် စနစ်တစ်ခုကို ထောက်ပြပေးလိုက်သလိုမျိုး ဖြစ်သွားသည်။
ယဲ့ဖန်းက ထိုရွှေရောင်စာလိပ်ကို ဂရုတစိုက် သိမ်းလိုက်သည်။ သူက ဒီသတင်းအချက်အလက်ကို ပေါက်ကြား၍ မရချေ။ သို့မဟုတ်လျှင် သူက မြောက်စားခံရခြင်းမရှိဘဲ သေသွားရပေလိမ့်မည်။

ဂိုဏ်းခေါင်းဆောင်ကလျှင် သူ၏နောက်မှ တော်ဝင်အကာအကွယ်တစ်ခုကို တောင်းခံရဦးမည်ဖြစ်သည်။ မဟုတ်လျှင် ယင်းက အမည်မဲ့သတ်ဖြတ်ခံရခြင်း ကပ်ဘေး ဆိုက်စေပေလိမ့်မည်။
ဤတာအိုကျမ်းစာပိုဒ်က အကန့်အသတ်မဲ့ တန်ဖိုးကြီးလွန်းလှသည့် ရတနာကြီးတစ်ခု ဖြစ်နေလေသည်။ တစ်ချိန်ထဲတွင်ပင် အချိန်မရွေး ပေါက်ကွဲနိုင်သည့် မီးတောင်တစ်ခု ဖြစ်နေပြန်သည်။ ကြီးမားသည့် နွယ်ကြိုးများက ဖျက်စီးခြင်းအန္တရာယ်နှင့်အတူ စုံတွဲတည်ရှိနေသည်။
ရွှေရောင်စာရွက်ကို ရိုက်လိုက်ခြင်း ကိစ္စက အလွန်အံ့အားသင့်စရာ ကောင်းလွန်းနေသည်။ ယဲ့ဖန်းက ဤနေရာတွင် ဆက်မနေလိုတော့ချေ။ ဤတခဏတွင် သူ့တွင် တိုက်ခိုက်ရန် လုံလောက်သောခွန်အားကို မပိုင်ဆိုင်ထားသေးသောကြောင့် ထွက်သွားခြင်းက အကောင်းဆုံး ဖြစ်ပေလိမ့်မည်။
သူက ချက်ချင်းလိုလို တောင်ပေါ်မှ ပြေးဆင်းပြီးနောက် တာအိုကျမ်းစာပိုဒ်ထဲမှ မှတ်တမ်းတင်ထားငည့် လျှို့ဝှက်သိုင်းကို လှည့်ပတ်လိုက်သည်။ ဤနည်းအားဖြင့် ဒုက္ခဆင်းရဲပင်လယ်ထဲမှ ရွှေရောင်အပ်မျှင်များက ထိုးထွက်လာပြီး သူ၏ခြေလက်နှင့် အရိုးများထံရောက်သွားသည်။ ဤနည်းအားဖြင့် သူ၏အသားနှင့်အရိုးများက အားဖြည့်ပေးခံရပြီးနောက် သူ၏အရှိန်နှုန်းက အလွန်တိုးသွားသည်။
သို့သော် ထိုအချိန်တွင် ယဲ့ဖန်က ထူးဆန်းသည့် ခံစားချက်ကို ရလိုက်သည်။ သူ၏ဝမ်းဗိုက်အင်္ကျီကြားထဲတွင် ထည့်ထားသည့် ရွှေရောင်စာရွက်က ရုတ်တရက် တုန်ခါလာသည်။ အစပိုင်းတွင် သူက အာရုံမစိုက်မိချေ။ သို့သော် ရုတ်တရက် တကိုယ်လုံး စိမ့်တက်သွားပြီးနောက် ရွှေရောင်စာရွက်က အသားအရေကို ထိလိုက်သော ခံစားချက်မျိုးကို ရလိုက်သည်။
“ဘာတွေဖြစ်နေတာလဲ။”
သူက အသားနှင့်ထိတွေ့သောနေရာတွင် ထိုစာရွက်ကို ထားထားခဲ့ခြင်း မဟုတ်ချေ။ ထို့ကြောင့် ဂရုတစိုက် ဖွင့်ကြည့်လိုက်သည်။ သို့ရာတွင် ယဲ့ဖန်းကို အံ့အားသင့်သွားစေပြန်သည်။ အကြောင်းမူကား သူ၏ ထိုအင်္ကျီအတွင်းဘက်ပိုင်းတွင် မည်သည့်အရာမှ မရှိတော့သောကြောင့် ဖြစ်သည်။ စာရွက်က ပျောက်သွားသည်။
“ဘယ်လိုဖြစ်နိုင်မှာလဲ။”
ယဲ့ဖန်းက အခြေနေကို မယုံကြည်နိုင်တော့ချေ။ ဂိုဏ်းခေါင်းဆောင်က လှုပ်ရှားလျှင်ပင် ယခုကဲ့သို့ လှုပ်ရှားနိုင်စရာအကြောင်း မရှိချေ။
တစ်ချိန်တည်းတွင်ပင် သူ၏ခန္ဓာကိုယ်ထဲရှိ အသက်အဆီအနှစ်များက ဆူပွက်လာသလို ခံစားလိုက်ရသည်။ တာအိုကျမ်းစာပိုဒ်ထဲတွင် မှတ်တမ်းတင်ထားသည့် လျှို့ဝှက်ဆန်းကျယ်သည့်သိုင်းက သူ ထိန်းချုပ်ခြင်း မရှိဘဲ သူ့အလိုလို လှည့်ပတ်လာပြီး သူ၏ဒုက္ခဆင်းရဲပင်လယ်ကို ရွှေရောင်အလင်းတန်းများက တောက်ပလာစေသည်။
“ဘာ ..။ ”
ယဲ့ဖန်းက အံံ့အားသင့်သွားသည်။ ထိုအချိန်တွင် သူ၏ဒုက္ခဆင်းရဲပင်လယ်ထဲမှ တစ်စုံတစ်ရာ ထူးဆန်းနေကြောင်း သိလိုက်ရသည်။ အပိုတစ်ခုခု ဝင်လာသလို ခံစားချက်မျိုးလည်း ရလာသည်။ ထို့နောက် သူက ဂရုတစိုက်ဖြင့် စစ်ဆေးကြည့်လိုက်သောအခါ မှင်သက်သွားရသည်။
အကြောင်းမူကား ဒုက္ခဆင်းရဲပင်လယ်၏ ရွှေရောင်ပင်လယ်ကြီးထဲတွင် ပဲစေ့အရွယ်အစားခန့်ရှိသည့် ရွှေရောင်စာအုပ်လေးတစ်အုပ်၏ စာရွက်တစ်ရွက်က ပေါ်လာသည်။
ထိုရွှေရောင်စာရွက်က အလွန်အမင်း သေးပြီး သူ၏ ဒုက္ခဆင်းရဲရွှေရောင်ပင်လယ်ထဲ သူ့အလိုလို ပေါ်လာခြင်းဖြစ်သည်။ ထိုရလဒ်က ယဲ့ဖန်းကို အချိန်အတန်ကြာသည်အထိ မှင်သက်သွားစေခဲ့သည်။ သူကဒါက မယုံနိုင်စရာကောင်းလွန်းသည်ဟု ခံစားလိုက်ရသည်။
တာအိုကျမ်းစာထဲတွင် မှတ်တမ်းတင်ထားသည့် လျှို့ဝှက်ဆန်းကျယ်သည့်သိုင်းက လည်ပတ်နေသည့်ဖြစ်စဥ်က သူ့အလိုလို ရပ်တန့်သွားပြီးနောက် အရာအားလုံးက ငြိမ်သက်သွားသည်။ သို့ရာတွင် ရွှေရောင်စာအုပ်၏ စာရွက်ကမူ ယဲ့ဖန်း၏ ရွှေရောင်ပင်လယ်ထဲတွင် ရှိနေသေးပြန်သည်။ သူက မည်သို့ပင် ကြိုးစားစေကာမူ ရွှေ့လျားအောင် လှုပ်၍ မရချေ။ ထို့အပြင်သူက ထွက်လာအောက်လည်း မထုတ်နိုင်တော့ချေ။
ယဲ့ဖန်က မှင်သက်သွားသည်။ သူက အခြေနေကို နားမလည်တော့ချေ။ သူက အချိန်အတန်ကြာ တွေးတောနေပြီးနောက်တွင် ယခုအဖြစ်အပျက်ကို နားမလည်နိုင်ချေ။ သို့ရာတွင် သူ၏ခန္ဓာကိုယ်က မသက်မသာလည်း မခံစားရသလို သူ၏ ဒုက္ခဆင်းရဲရွှေရောင်ပင်လယ်က သူ၏ခန္ဓာကိုယ်ထဲတွင် ရှိနေသောကြောင့် သူ့ကိုစိတ်အေးသွားရပြန်သည်။
စိတ်ငြိမ်သွားပြီးနောက် ယဲ့ဖန်းက နောက်ပြန်လှည့်ကာ ရှေ့ဆက်သွားရန် ဆုံးဖြတ်လိုက်သည်။
ဗုန်း …။
ထိုအချိန်တွင် အနောက်ဘက်မှ ကျယ်လောင်သည့် ပေါက်ကွဲသံကြီးကို ကြားလိုက်ရသည်။ အဝေးမှ ကောင်းကင်သို့ ရောက်သွားပြီဖြစ်သည့် ရှေးဟောင်းနန်းတော်ကြီးက တုန်ခါလာပြီးနောက် မျက်စိကြိမ်းမတတ် တောက်ပသည့် အလင်းတန်းများကို လွှင့်ထုတ်လာသည်။ ဤနည်းအားဖြင့် မဟာကြောက်မက်ဖွယ် ငှက်ကြီးများနှင့် သားရဲကြီးများစွာကို လွင့်ထွက်သွားစေသည်။ အကြီးအကဲများလည်း ပါ၀င်သည်။
“မဟုတ်ဘူး။ ငါ ထွက်သွားလို့ မရဘူး။”
ယဲ့ဖန်းက ဖန်းပေါ်ကို စိုးရိမ်သွားသည်။ သူ့အနေဖြင့် ဒီနေရာတွင် ဆက်နေလျှင် ကူညီနိုင်မည်မဟုတ်ကြောင်း သိနေသည့်တိုင် သူ၏နှလုံးသားထဲက စိတ်ဆန္ဒအရ ထွက်သွားခွင့်မပြုနိုင်ချေ။ သူက ဖန်းပေါ် လွတ်မြောက်ကြောင်း ကိုယ်တိုင်ကိုယ်ကျ မမြင်ရလျှင် သူ၏နှလုံးသားက ငြိမ်းအေးတော့မည် မဟုတ်ချေ။ ထို့ကြောင့် သူက ထွက်မသွားနိုင်ချေ။
သို့သော် သူက အကြမ်းပတမ်းလည်း မလှုပ်ရှားရဲချေ။ ဒီတစ်ကြိမ်တွင် သူက ခပ်ဝေးဝေးတွင်ရှိသော တောင်တစ်တောင်ကို ရွေးချယ်လိုက်ပြီးနောက် အဝေးမှ လှမ်းကြည့်သည်။
ဝန့် ဝန့် …။
ထိုအချိန်တွင် လေထုကို တစ်စုံတစ်ရာက ထိုးခွင်းလာသလို အသံက ထွက်လာပြီးနောက် နတ်အလင်းတန်း ဆယ်တန်းကျော်က လွှမ်းခြုံလာသည်။
ဝုန်း …။
တပ်ဖွဲ့ထောင်ကျော်က မြင်းစီးလျက် ချီတက်လာသော အသံမျိုးက ထွက်ပေါ်လာသည်။ နတ်သက်တန့် တိမ်စိုင်များ၏ အနောက်တွင် တောရိုင်းသားရဲများ၏ ဟိန်းသံများကို ထင်ရှားစွာ ကြားလိုက်ရသည်။ ကောင်းကင်ကို မြူထုနှင့်တိမ်စိုင်များက လွှမ်းခြုံလာသည်။
တောရိုင်းသားရဲဆယ်ကောင်ကျော်က တိမ်စိုင်များကို စီးနင်းလျက် ကျောပေါ်တွင် ကျင့်ကြံသူ တစ်ယောက်စီကို သယ်ဆောင်ထား၏။ ၄င်းတို့က ကောင်းကင်ပေါ်မှ ခုန်ဆင်းလာသလိုမျိုး ကျယ်လောင်သည့်မိုးခြိမ်းသံကို ဝိုင်းပတ်လျက် ဆင်းသက်လာသည်။
ရှေးဦးမူလခေတ် မတိုင်ခင်ကတည်းက မျိုးတုန်းပျောက်ကွယ်သွားပြီဟု ထင်ရသည့် ဆင့်ကဲပြောင်းလဲသွားသော တောရိုင်းသားရဲပေါင်းများစွာက ဆင်းသက်လာခြင်းဖြစ်သည်။ အားလုံးကို သိပ်သည်းသော ကြေးခွံများက ဖုံးလွှမ်းနေပြီး အလွန်အမင်း ကြောက်စရာကောင်းသည်။ သူတို့ကို စီးနင်းလာသော ကျင့်ကြံသူများထဲမှ ရှေးဆုံးတစ်ယောက်က သန်မာသောလူတစ်ယောက်ဖြစ်ပြီး သူ၏လက်မောင်းကြားတွင် ကြီးမားသော အလံကြီးကိုလည်း လွှင့်ထူထားသေးသည်။
ထိုအလံက လေတွင် လွင့်နေပြီး ပြင်းထန်သည့် စွမ်းအားကို ထုတ်ပြနေသည်။ ထိုအလံပေါ်တွင်မူ ယောင်ကွမ်း တော်ဝင်နယ်မြေဟူသော စကားလုံးကို ရေးထိုးထားသည်။
အပိုင်း (၅၈) ပြီး၏။

Chapter – 58

Comment

Leave a Reply Cancel reply

Options